[align=center]قــــلـــوب الا وا د م[/align]


[poem=font="simplified arabic,6,darkblue,normal,normal" bkcolor="silver" bkimage="" border="double,10,darkred" type=2 line=0 align=center use=ex num="0,black"]
لوتصدق قلوب الاوادم على الخير =ماحدٍشكى برد الزمان وهجيره
ولو الزّمن يرجع بنا يعكس السير = شفت القلوب الصافيات السريره
احلام .. كنت احلم وانا عمري صغير = وياكثر ما احلم بالليال المطيره
لين انصدم حلم الطفوله على غير = وتبدلت شكل الليال السفيره
ودخلت وقت المعمعه والمخاسير = وقت تموج به الخطوب الكبيره
وقتٍ به الطيّب يذوق التعازير = ويصيح بومه ويتنا هق حميره
صحيح منهم صادقين التعابير =للخير ... شرواكم .. تقود المسيره
بس اسمحولي ياوجيه المناعير =ماعاد دون المرهفات الشطيره
ولاعاد فيها اي عذر ٍ وتبرير = الاعلى فتح الكشوف الخطيره
المجتمع يبغى له اليوم تطهير =من ناس في حب المشاكل سكيره
اللي يبشر بالمشاكل تباشير = كنّه عقيم بشّروه بغريره
يحوم بالفتنه سواة المعاصير = يقدح فتايلها ويوقدسعيره
تاخذ من اوصاف السنتهم سواطير = فـ ابوه والا اخوه والاقصيره
عنده على زلاّت نفسه معاذير = وعينه على زلاّت غيره بصيره
وناس ليا جيته يفز بك ويطير = وتقول ماودي تعرّفت غيره
ولا اقفيت شغّل في ظهرك المناشير =وكمّل على اللي باقيٍِ بالذخيره
وسط المجاس مثل صوت المواطير = كنّك تفرّج في قناة الجزيره
يامال فرقى هالوجيه المغابير = بئس العشير وبئس من هوعشيره
وناسٍ ترزّ خشومها خير ياطير =كنّه ملك حاكم على كل ديره
وش انت ياللي شفت نفسك على الغير =عبدٍ ضعيف بوسط دنياًحقيره
والثّور يرضى لالقى حفنة شعير =والاّ مرده للبقر والحضيره
والحرّ مايرضى طعام الخنازير = ولاينثني دون النجوم المنيره
قلته وقولي مايبي اي تفسير = كلٍ له بدايه وغايه وسيره
يعض العرب يمناه تستخسر الخير = وبعض العرب يحرجك من زود خيره
وبعض العرب لرضاه تدفع دنانير = وبعض العرب لامن زعل منك خيره[/poem]

وسلامتـــــكم

صح اللسانك اخوي منصور الحبيل وبيض الله وجهك
وماقصرت يا شاعرنا
شـكــ وبارك الله فيك ـــرا لك ... لك مني أجمل

صح السانك يابو عمر ونتظر اباعتك 000
لوالزّمن يرجع بنا يعكـس السيـر
شفت القلـوب الصافيـات السريـره
تقبل تحياااااااااااتي اخوك خياااااااااااااااااال000

صح لساااااانك على القصيده الرااائعهـ

السلام عليكم ورحمة الله وبركاته

صح الساااااااااااااااااااااا اااااااانك وبيض الله وجهك

[

صح السانك ابو عمر على قصيده
ننتضر المزيد من قصائدك الجميله.

....تقبل مرروورري....

اضع بصمة اعجابي

على صفحتك المميزهـ

والمملوءهـ من الابداع

الله يعطيك العافيه

ارجو ان يقبل مروري هذا

[glow=000000]