خلوه يعشـق ولومـو العشـق وافعالـه
وش تطلبـونـه مــدام الـقـلـب مـيـالـي
كيفـي وكيفـه ونبـض الـشـوق غنـالـه
وامسـى يغـرد خفـوقـي يــوم غنـالـي
ايـه اقـدحـي يابـيـوت الشـعـر بجـزالـه
ابعتـرف بــك مــدام الشـعـر مدهـالـي
ان كـــان للـشـعـر شيـطـانـه ومـوالــه
بعسف شياطين شعري لين ترخالـي
ايـه اعشقـه واعشقـه وامـوت بوصالـه
يـفـز فـكــري واهـــده يـــوم يـطـرالـي
اليـا فقدتـه اشــوف الـمـوت واضمـالـه
يـمـر مـثــل الـســراب الـيــا تهـيـالـي
يثور شوقـه الـي مـن جيـت فـي بالـه
ياكيف شوقـي وهـو دايـم علـى بالـي
يطيـب فالـي الـى مـن طـاب لـه فالـه
ويطيـب فالـه الامـن طـاب لـي فـالـي
نـوب ٍ اكـابـر ويـسـوق هبـالـي هبـالـه
ونــوب ٍ يعـانـد ويـتـل هبـالـه هـبـالـي
احاول اروي شعوره عشـق واروى لـه
وابيـه لامــن روى يـرجـع ويضـمـا لــي
يابخت منهو سعا لـه ليـن يسعـى لـه
يابخـت قلـبـي بقلـبـه يــوم يسعـالـي
لامـن سألتـه عــن الخـفـاق واحـوالـه
يـتـوه صـوتــه ويـطــرق غـيــر مـوالــي
وارد واسـأل خفوقـك هــاه وش حـالـه
مـسـوي انــي مغـيـر نـبــرة سـوالــي
وتثـور حمـرة خـدوده وترعـش وصـالـه
وتضيـع نظـرة عيونـه فالفضـاء الخـالـي
والـيـا سمعـتـه يتمـتـم والحـيـا طـالـه
فـديـت عـمـرك احـبـك يابـعـد حـالــي
تهـيـضـت هالـضـلـوع وذابـــت قـبـالــه
وتنكست بالخفـوق وجـاك مـن عالـي
احــس قلـبـي رفــع يمـنـاه وشمـالـه
يبـايـعـه بـالـوفـا لـــو الـزمــن طــالــي
سلـم متاريسه.مفاتيحه.علـى قفـالـه
وسلـمـه كــل عــرق ٍ فــاض بـأمـالـي
ومــره احـسـه كــذا ! فـجــأه تهـيـالـه
مكتوب ! مقسـوم ! صدفـه ! ياهنيالـي
واحــس كـنــه تـجــرا بـكـفـه وشـالــه
وحـط لـه فـي شـمـوخ الـعـز منـزالـي
ومــره احـسـه تـسـرع حـيـل وارثـالـه
رهـــن حـيـاتـه بـدنـيـا ً مـالـهـا تـالــي
احــس كـنـه كسـيـر ٍ شـــدة حـبـالـه
تعلقـت بــه عـيـون الـنـاس منشـالـي
كسيـر واعمـى ويـد السيـاف تختـالـه
سلم شعوره وسيـف العشـق قتالـي
كـلـمـا تـبــدد شـعــور ٍ يـظـهـر بـدالــه
كـن المشاعـر تصافـق ولا لـهـا والــي
يـاعـاذلــه يـاخـاذلــه مــالــك ومــالـــه
ويـالايـمـي يـالايـمـي مـالــك ومـالــي
يـارعــد يـالـيــل يــابــرق ٍ تــضــوا لــــه
عسى سحاب ٍ هطل بي يرأف بحالي
سـيـل عــروق ٍ سقـاهـا كــل همـالـه
وشتـت ضلـوع ٍ تهـاوى نصهـا البـالـي
وكسر غصون ٍ جفاها الوقـت بأهمالـه
تسابـقـت للـيـبـاس ولالـهــا ظـلالــي
فـي يـوم كانـت ريــاض غـصـون ميـالـه
تـظـل قلـبـي وتـحــرق كـــل عـذالــي
فـي يـوم كانـت تظـل انـسـان تزهـالـه
لكـن جزاهـا هجيـر الـوقـت باهمـالـي
اصحـى زمانـي تنـبـه جـرحـي الـدالـه
صعبـه اعيـش الـزمـان الــي تعـدالـي
مابغـى اتذكـرعـذاب ٍ كـثـرت اشكـالـه
مــدام ربـــي رزقـنــي خـــل ٍ مـثـالـي
فـديـت قـلـبـه وفـكــره كـلــي فـدالــه
يـابـخـت قـلـبــي بـقـلـبـه ياهـنـيـالـي
تكفـون خلـو رهيـف القلـب فـي حالـه
وش تطلبـونـه مــدام الـقـلـب مـيـالـي
الشاعر/حمودناهض الحبيل
الإهدائات
11-22-2010, 06:12 AM
تكفون خلو رهيف القلب في حاله 
حمود الحبيـل 
العرض العادي
المواضيع المتشابهه 
